هادا يا جماعة اليوم حابة افرجيكم قصيدة (من الشارع).. في واحد مألفها وانا عجباني كتير وان شاء الله تعجبكم ..
بس بجد بتبين معاناتنا ...
احنا كنا البداية, هلأ احنا النهاية
اسمع الحكاية, اسسنا أسس البناية
الأندلس احتلينا, مشينا هلأ احنا
استوينا, وقعنا ولا مرة استقرينا
السيف كان يكسر ظالم, يربي كمان عالم
فاهم؟! هلأ ولا عربي منا سالم
عايشين بظلام, زي أيام الأصنام
كله كلام, عملونا مكسرين السلام
كان ياما كان, امبراطورية من زمان
بس كل اشي فان, وكمان كله داب
كله مات, بوجوه شعبي تسكروا لبواب
التاريخ عاد, بس هلمرة الجهل زاد
وهلأ احنا ثلاثة, ايد بأيد, جايين من
الحارة, نوصل بعيد, الضو آخر المغارة
النجدة, للوحدة العربية, أيد وحده
بنرجع تراثنا وعاداتنا الشعبية
اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي أرضه يحمي
بالدم وبالأجسام
(Su)
من الجرب بصير المرض والمرض بلحق العرب
أحنا أهل الطرب بس قاعدين بننضرب
هاي كمان عربي هرب, وعن أصله تخلى
لأيمتا مقابر شعبنا بدها تضل تتملا
عدد الجثث بزيد, كمان وكمان
بس هلأ مع شباب ال DAM, اجيت عشان عشان
نوقف المدمنين, لشوفت دم العرب
والموت علينا بنتشر زي المرض
بننقرض ومش واعيين, زي الاطرش بالزفة
لأميتا بدنا نبين انا بنسواش تفه
أوف, لأيمتا بدنا نضل عايشين بخوف
أوف, متوجهين للخواجات كأنهم ال boss
بس كل كلب بيجي يومه, واليوم احنا الكلاب
ايد بأيد بنوصل بعيد وبنلف هالدولاب
هون سهيل, جاي أطلع العرب من ال hell
العنصرية, الكراهية والويل
اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي أرضه يحمي
بالدم وبالأجسام
(TN)
العرب بحكوا انه الواحد يكون عربي يعني كنز
الخواجات بحكوا انه الواحد يكون عربي يعني سنج
وانا بحكي انه العربي هو انس, اللي ماضي مليان
كنز, أما اليوم نايم زي اللي داقينه ابرة بنج
أوف, شوف, أيد وحده! ولا عمرها
بتزقف, دولاب الزمن بلفلف, كان يوم اللي
غيرنا كنا نضعف, متوقعين ولا مرة
رح نوقف, وهينا بيوم اللي كلنا فيه بنئفئف
أوف, يا حكام اصحوا من المنام, انقلب
الميزان, حرام يا شعبي حرام, عشان
جدادنا اذا بشفونا بتألبوا بالقبوره
كيف هم اخترعوا الصفر واحفادهم صاروا صفوره
من زمان, جبنا الدوا عالعالم, بس نسينا
نجيب دوا اللي يداوينا, شعب تايه سفينه
بلا مينا, وأراضينا؟! يا حسرة على أراضينا
في عنا املا, بس خسارة, انه بنحب نعيش تحتيها
اللازمة:
مهما كان يا زمان
مهما دارت الأيام
الجراح والآلام
حتعدي مع الأيام
شعبي باقي مهما تلاقي
من خونه ومن ظلام
دايما يفدي أرضه يحمي
بالدم وبالأجسام
موضوع: مهما كان يا زمان ( من الشارع) 
الثلاثاء يوليو 24, 2007 9:45 am
